Cymdeithas Bêl-droed Cymru

Oddi ar Wicipedia
Neidio i: llywio, chwilio
Cymdeithas Bêl-droed Cymru
UEFA
Association crest
Sefydlwyd 1876
Aelod cywllt o FIFA 1910
Aelod cywllt o UEFA 1954
Aelod cywllt o IFAB 1886
Llywydd Trefor Lloyd-Hughes

Cymdeithas Bêl-droed Cymru (CPDC, Saesneg: Football Association of Wales, FAW) yw corff llywodraethol pêl-droed yng Nghymru. Mae CPDC yn aelod o FIFA, UEFA a'r IFAB.

Fe'i sefydlwyd yn 1876 sy'n golygu mai'r gymdeithas yw'r drydedd hynaf yn y byd ar ôl Cymdeithas Bêl-droed Lloegr a Chymdeithas Bêl-droed Yr Alban.[1] Mae hefyd yn un o bedair cymdeithas sy'n ffurfio Bwrdd y Gymdeithas Bêl-droed Rhyngwladol, sy'n gyfrifol am Reolau'r Gêm, ar y cyd gyda Chymdeithas bêl-droed yr Alban, Cymdeithas Bêl-droed Iwerddon a FIFA.[2]

Hanes[golygu | golygu cod y dudalen]

Yng Ngwesty'r Wynnstay Arms, Wrecsam ar 2 Chwefror 1876 y cynhaliwyd y cyfarfod cynat a'r enw gwreiddiol oedd "Cymdeithas Bêl-droed Cambria". Y bwriad oedd ffurfioli'r cynlluniau ar gyfer gêm a oedd i'w chwarae rhwng Cymru a'r Alban.[3]

Galwyd cyfarfod arall ym Mai 1876, a hynny mewn gwesty o'r un enw ychydig o filltiroedd o Wrecsam - ym mhentref Rhiwabon ac yno y bedyddiwyd y gymdeithas gyda'r enw Cymdeithas Bêl-droed Cymru. Yno hefyd yr ysgrifennwyd cyfansoddiad y gymdeithas.[4] Aeth y trafodaethau ymlaen tan orian mân y bore, pan gerddodd heddwas i fewn i weld beth oedd yn digwydd, a dywedir iddo ddweud rhybeth fel, "Hyd yn oed os ydych chi'n ffurfio Cymdeithas Bêl-droed Cymru, mae'r gloch wedi'i chanu ac mae'n hen bryd i chi fynd i'w ffurfio yn rhywle arall!"[5]

Wynnstay Arms, Wrecsam
Wynnstay Arms, Wrecsam: man cynnal y cyfarfod cyntaf
Wynnstay Arms, Rhiwabon
Wynnstay Arms, Rhiwabon: lle cynhaliwyd yr ail gyfarfod
Y ddau westy o'r un enw lle ffurfiwyd y Gymdeithas

Chwaraeodd Cymru ei gêm gystaleuol gyntaf ar 25 Mawrth 1876 yn erbyn Yr Alban yn Glasgow gan wneud Cymru y trydydd tîm pêl-droed rhyngwladol hyna'n y byd. Yr Alban enillodd y gêm gyntaf 4-0. Trefnwyd gêm i'w dychwelwyd y flwyddyn ganlynol ac felly y cafwyd y gêm bêl-droed ryngwladol gyntaf ar dir Cymru, ar Gae Ras, Wrecsam ar 5 Mawrth 1882.

Cyfaru'r pedair gwlad gwledydd Prydain ym Manceinion ar 6 Ragfyr 1882 i greu rheolau a thrwy hyn sefydlwyd y Bwrdd Cymdeithasau Pêl-droed Rhyngwladol. Yn 1883-84 ffurfiwyd Pencampwriaeth Cartref Prydain, twrnameint a chwaraewyd yn flynyddol rhwng Lloegr, Yr Alban, Iwerddon a Chymru hyd 1983-84. Bu Cymru yn bencampwr 12 gwaith.

Cyfeiriadau[golygu | golygu cod y dudalen]

  1. Llewellyn-Jones, Robert (15 Mawrth 2012). "Football must be run by business people, claims FAW chief executive". Wales Online. http://www.walesonline.co.uk/business-in-wales/business-news/2012/03/15/football-must-be-run-by-business-people-claims-faw-chief-executive-91466-30539099/. Retrieved 3 Ebrill 2012.
  2. "About FAW - Football Association of Wales". Football Association of Wales. 2007. http://www.faw.org.uk/AboutFaw.ink. Retrieved 4 Ebrill 2012.
  3. "1876 Kenrick's Challenge". The Story of Welsh Football. Wrexham County Borough Council. http://www.wrexham.gov.uk/english/heritage/welsh_football/index.htm#y1876. Retrieved 23 Mawrth 2010.
  4. "Who was the inspiration behind Wales' first football team?". The Story of Welsh Football. Cyngor Sir Wrecsam. http://www.wrexham.gov.uk/english/leisure_tourism/welsh_wizards/kickoff.htm. Retrieved 23 Marwrth 2010.
  5. 100 Years of Welsh Soccer - The Official History of The Football Association of Wales. Peter Corrigan, 1976.
Soccer stub.svg Eginyn erthygl sydd uchod am bêl-droed. Gallwch helpu Wicipedia drwy ychwanegu ato.