Culfor Hormuz

Oddi ar Wicipedia
Neidio i: llywio, chwilio
Map Of Strait of Hormuz

Mae Culfor Hormuz[1] (Arabeg: مضيق هرمز - Madīq Hurmuz) yn gulfor sy'n gwahanu Gwlff Persia yn y gorllewin oddi wrth Gwlff Oman yn y dwyrain. Ar ochr ogleddol y culfor mae Iran, ac ar yr ochr ddeheuol Yr Emiradau Arabaidd Unedig a Musandam, sy'n rhan o Oman.

Mae'r culfor yn 21 milltir o led yn ei fan gulaf. Dyma'r unig ffordd allan o Gwlff Persia i'r llongau tancer sy'n cario olew o'r gwledydd o amgylch y Gwlff, ac amcangyfrifir bod tua 40 y cant o olew y byd yn mynd trwy'r culfor yma. Oherwydd hyn, mae o bwysigrwydd strategol mawr.

Cyfeiriadau[golygu]

  1. Jones, Gareth (gol.). Yr Atlas Cymraeg Newydd (Collins-Longman, 1999), t. 95.