Claude Perrault
Oddi ar Wicipedia
Pensaer, llenor a meddyg o Ffrainc oedd Claude Perrault (25 Medi 1613 - 9 Hydref 1688). Yn enedigol o ddinas Paris, roedd yn frawd i Charles Perrault, awdur y casgliad chwedlau gwerin enwog Contes de ma mère l’Oye.
Cyfieithodd waith Vitruvius ar bensaernïaeth o'r Lladin i'r Ffrangeg a chynlluniodd golonâd y Louvre. Bu hefyd yn un o'r rhai, fel ei frawd iau, a gymerodd ran yn y ddadl boeth rhwng pleidwyr y Moderniaid a phleidwyr yr Hynafwyr (Brwydr y Llyfrau neu Brwydr y Moderniaid a'r Hynafwyr) i bennu cwrs llenyddiaeth a chelf Ffrainc yn yr 17eg ganrif.
