Ci Defaid Awstralaidd

Oddi ar Wicipedia
Ci Defaid Awstralaidd
Enghraifft o'r canlynolbrîd o gi Edit this on Wikidata
Mathci Edit this on Wikidata
Tudalen Comin Ffeiliau perthnasol ar Gomin Wicimedia
Ci Defaid Awstralaidd

Ci defaid sy'n tarddu o'r Unol Daleithiau yw'r Ci Defaid Awstralaidd. Er ei enw, cafodd ei ddatblygu yn hwyr y 19eg ganrif yng Ngorllewin yr Unol Daleithiau o gŵn megis y Ci Defaid Pyreneaidd a berchnogwyd gan fugeiliaid Basgaidd a fu'n treulio amser yn Awstralia.[1]

Mae lliw ei gôt o flew yn amrywio'n eang: gall fod yn ddu, merl glas (brith llwyd ar ddu), merl coch (brith llwydfelyn ar goch), neu'n goch, ac o bosib gyda marciau gwyn neu liw copr. Yn aml mae coler wen a marciau gwyn ar y gwddf, y frest, y coesau, y trwyn, a'r rhannau isaf neu farc gwyn ar y pen. Mae'r gôt o hyd canolig, ac ychydig yn donnog, ac yn bluog ar y coesau a gyda mwng hir a chrib o flew ar y gwddf a'r frest uchaf. Mae ganddo lygaid brown, glas neu felyngoch, ac mae gan rai ohonynt lygaid cymysgliw. Yn aml mae'r gynffon yn gwta. Mae ganddo daldra o 45 i 58 cm (18 i 23 modfedd) ac yn pwyso 16 i 32 kg (35 i 70 o bwysau).[1]

Yn ogystal â gwaith ffermio a sodli, defnyddir y Ci Defaid Awstralaidd fel ci chwilio ac achub, ci heddlu, ci tywys, a chi therapi. Mae'n gi eofn gyda greddf gryf fel ci defaid a gwarchotgi. Mae'n anifail anwes poblogaidd ond mae angen lefel uchel o weithgarwch arno.[1]

Cyfeiriadau[golygu | golygu cod]

  1. 1.0 1.1 1.2 (Saesneg) Australian shepherd. Encyclopædia Britannica. Adalwyd ar 9 Hydref 2014.
Comin Wikimedia
Comin Wikimedia
Mae gan Gomin Wikimedia
gyfryngau sy'n berthnasol i: