Charles Wesley

Oddi ar Wicipedia
Neidio i: llywio, chwilio
Charles Wesley

Clerigwr, efengylydd ac emynydd Seisnig oedd Charles Wesley (18 Rhagfyr 1707 - 29 Mawrth 1788). Roedd yn un o arweinwyr y Diwygiad Methodistaidd yn Lloegr.

Ganed ef yn Epworth yn Swydd Lincoln yn fab i Samuel Wesley a'i wraig Susanna Annesley. Roedd yn frawd iau i'r efengylydd John Wesley. Fel ei dad a'i frawd, urddwyd ef yn offeiriad yn Eglwys Loegr. Priododd Sarah Gwynne, merch Marmaduke Gwynne, oedd wedi ei droi at Fethodistiaeth gan Howell Harris.

Cyfansoddodd tua phum mil a hanner o emynau i gyd. Ymhlith y mwyaf adnabyddus mae Hark, The Herald Angels Sing, Jesus, Lover of My Soul a Love Divine, All Loves Excelling. Cyfieithiwyd cryn nifer o'i emynau i'r Gymraeg.