Castell Cynffig

Oddi ar Wicipedia
Neidio i: llywio, chwilio
Adfeilion Castell Cynnfig.

Un o gestyll y Normaniaid yng Nghymru oedd Castell Cynffig. Saif ei adfeilion yn y tywynni ger pentref Cynffig ym mwrdeistref sirol Pen-y-bont ar Ogwr.

Ymosodwyd ar y castell sawl gwaith gan y Cymry. Cofnodir ymosodiad ar "gastell Cynffig" yn 1080 gan Iestyn ap Gwrgant a'i gipiodd am gyfnod a'i atgyfnerthu, ond mae'n debyg mai castell mwnt a beili cynharach ger Cynffig oedd hwnnw. Pan grewyd bwrdeistref Cynffig codwyd y castell presennol i'w amddiffyn. Cofnodir ymosodiadau arno gan y Cymry yn 1167, 1183, 1232, a 1242, gan Morgan ap Maredudd yn ystod gwrthryfel Madog ap Llywelyn (1295-95), a gan Llywelyn Bren yn 1316.[1]

Erbyn diwedd y 15fed ganrif roedd bwrdeistref Cynffig a'i gastell yn dechrau cael eu claddu gan y tywod a gadawyd hwy.[1]

Cyfeiriadau[golygu]

  1. 1.0 1.1 Ian N. Soulsby, The Towns of Medieval Wales (Chichester, 1983), tud. 150.
Baner CymruEicon awrwydr   Eginyn erthygl sydd uchod am hanes Cymru. Gallwch helpu Wicipedia drwy ychwanegu ato.