Cartŵn gwleidyddol

Cartŵn dychanol a ymddangosodd yn y cylchgrawn Barn, sy'n dychanu sut mae credoau George W. Bush a Tony Blair wedi effeithio ar eu penderfyniad i oresgyn Irac, a'r posibilrwydd o oresgyn Iran yn y dyfodol. Mae hefyd yn portreadu Bush fel cowboi sy'n arwain Blair mewn ffordd gwasaidd.

Cartŵn sy'n cyfleu neges wleidyddol neu gymdeithasol, gan amlaf parthed materion cyfoes a phobl yn y newyddion, yw cartŵn gwleidyddol, cartŵn golygyddol, neu gartŵn dychanol. Gan amlaf ymddangosant ar dudalen olygyddol papur newydd, ond yn hanesyddol bu gyfryngau i gartwnau gwleidyddol mewn pamffledi, cylchgronau, llyfrau, ac heddiw ar y rhyngrwyd. Maent yn aml yn gwneud defnydd o drosiadau gweledol a gwawdluniau. Mewn gwledydd democrataidd, ystyrid y mwyafrif o gartwnau gwleidyddol yn rhan o ddisgwrs sifil sydd yn mynegi barn y cartwnydd (neu ei gyflogwr) ond weithiau cyhuddir cartwnau o fod yn enghreifftiau o bropaganda cryfach. O bryd i'w gilydd mae cartwnau wedi achosi cryn anghydfod, er enghraifft dadl cartwnau Muhammad Jyllands-Posten.

Mae gan Gomin Wicifryngau gyfryngau sy'n berthnasol i:

Categori:Cartwnau gwleidyddol

Eginyn erthygl sydd uchod am newyddiaduraeth. Gallwch helpu Wicipedia drwy ychwanegu ato.