Candace Bushnell
| Candace Bushnell | |
|---|---|
.jpg) | |
| Ganwyd | 1 Rhagfyr 1958  Glastonbury, Connecticut |
| Dinasyddiaeth | Unol Daleithiau America |
| Alma mater |
|
| Galwedigaeth | ysgrifennwr, awdur ysgrifau, newyddiadurwr, nofelydd, colofnydd |
| Priod | Charles Askegard |
| Gwefan | http://www.candacebushnell.com |
Newyddiadurwraig ac awdures Americanaidd yw Candace Bushnell (ganed 1 Rhagfyr 1958), sydd wedi'i lleoli yn Ninas Efrog Newydd. Mae'n fwyaf adnabyddus am ysgrifennu colofn yn ymwneud â rhyw a gafodd ei wneud yn lyfr o'r enw Sex and the City. Yn ei dro, cafodd y llyfr ei greu'n gyfres deledu hynod boblogaidd o'r un enw, ac yna i fod yn ffilm. Priododd Bushnell artist ballet ATB Dinas Efrog Newydd, Charles Askegaard ar y 4ydd o Orffennaf, 2002.
Bywgraffiad[golygu | golygu cod]
Ganwyd Bushnell yn Glastonbury, Connecticut. Pan adawodd ei chwrs ym Mhrifysgol Rice ar ddiwedd y 1970au, roedd yn enwog ar hyd Dinas Efrog Newydd fel partiwraig a chymdeithaswraig. Un o'i hoff glybiau oedd Studio 54. Yn hwyrach yn ei bywyd, cafodd swydd fel newyddiadurwr gyda'r New York Observer.
Ym 1994, gofynnodd ei golygydd iddi a fyddai diddordeb ganddi ysgrifennu colofn ar gyfer y papur. Derbyniodd Bushnell y swydd. Roedd hi eisiau colofn a oedd yn seiliedig ar yr hyn yr arferai hi a'i ffrindiau siarad amdano, a galwodd yr erthygl yn Sex and the City.
Ym 1998, dechreuodd HBO ddarlledu rhaglen o'r enw Sex and the City, a oedd yn seiliedig ar golofn Bushnell, er nad oedd yn union yr un peth. Cynyddodd y rhaglen deledu Sex and the City enwogrwydd Bushnell. Daeth y cynhyrchiad gwreiddiol o'r gyfres deledu i ben yn 2004 a darlledwyd y rhaglen olaf ar HBO ym mis Chwefror 2004.
Mae nifer o awduron wedi cymharu cymeriad Carrie Bradshaw ar y rhaglen deledu i Bushnell oherwydd mae gan Carrie golofn bapur newydd am rhyw a ffordd o fyw ac mae hithau hefyd yn mwynhau bywyd nos Efrog Newydd. Yn wir, mae llythrennau cyntaf Candace Bushnell yr un peth a Carrie Bradshaw. Mae Bushnell wedi datgan mewn nifer o gyfweliadau mai Carrie Bradshaw yw ei hail bersonoliaeth.[1]
Llyfryddiaeth[golygu | golygu cod]
- Sex and the City (1997)
- Four Blondes (2001)
- Trading Up (2003)
- Lipstick Jungle (2005)
- One Fifth Avenue (2008)
Cyfeiriadau[golygu | golygu cod]
- ↑ http://wiki.answers.com/Q/How_similar_are_Carrie_Bradshaw_and_Candace_Bushnell Y tebygrwydd rhwng yr awdures a'r cymeriad