Bwlch Aberglaslyn

Oddi ar Wicipedia
Neidio i: llywio, chwilio
Bwlch Aberglaslyn ac Afon Glaslyn.

Bwlch yng Ngwynedd yw Bwlch Aberglaslyn; yr hen enw oedd Bwlch y Gymwynas neu Y Gymwynas. Mae'n rhan o ddyffryn Afon Glaslyn rhwng Beddgelert a Phorthmadog, lle mae'r dyffryn yn culhau a chreigiau ar y ddwy ochr.

Ar ochr orllewiniol yr afon, mae'r briffordd A498, tra ar yr ochr ddwyreiniol mae trac Rheilffordd Eryri, sydd wedi ailagor rhwng Gaernarfon a Phorthmadog yn ddiweddar.

Cyn adeiladu'r Cob ym Mhorthmadog yn gynnar yn y 19eg ganrif, roedd y llanw yn cyrraedd hyd at Bont Aberglaslyn, ac roedd y bwlch yn dranwyfa bwysig tua'r arfordir gogleddol, i osgoi hwylio o amgylch Penrhyn Llŷn.

Llên gwerin[golygu]

Ceir cyfoeth o lên gwerin yn ymwneud ag ardal y Gymwynas, yn cynnwys hanesion am gi du goruwchnaturiol a welid yn yr ardal, a'r "ladi wen", craig ar ochr ddwyreiniol y bwlch.

Cyfeiriadau[golygu]

Gweler hefyd[golygu]

Comin Wikimedia
Mae gan Gomin Wikimedia gyfryngau sy'n berthnasol i: