Bodferin

Oddi ar Wicipedia
Bodferin
Mathpentref Edit this on Wikidata
Daearyddiaeth
SirGwynedd Edit this on Wikidata
GwladBaner Cymru Cymru
Cyfesurynnau52.846°N 4.708°W Edit this on Wikidata
Cod OSSH1731 Edit this on Wikidata
Gwleidyddiaeth
AC/auMabon ap Gwynfor (Plaid Cymru)
AS/auLiz Saville Roberts (Plaid Cymru)
Map

Plwyf eglwysig ym mhen Llŷn, Gwynedd, yw Bodferin. Mae'n gorwedd ym mhen eithaf Llŷn, i'r gorllewin o Aberdaron, dros y swnt o Ynys Enlli.

Hanes[golygu | golygu cod]

Yn yr Oesoedd Canol, roedd y plwyf yn rhan o gwmwd Cymydmaen. Arferai pererinion groesi'r swnt i Ynys Enlli o borthladd bychan Porth Ferin. Ceir Plas Bodferin yn y plwyf, tua 2 filltir i'r gogledd-orllewin o Aberdaron. Ceir Rhydmerin yno hefyd. Plwyf bychan iawn oedd Bodferin, dim ond tua milltir o hyd a thua'r un maint o led, yn rhedeg gyda'r môr.[1]

Ni wyddys pwy oedd 'Merin'. Ceir sawl person o'r enw yn hanes a thraddodiadau cynnar Cymru. Mae'n bosibl mai 'môr' neu 'morwr' yw'r ystyr yn hytrach nag enw personol: prif ystyr y gair Hen Gymraeg merin yw 'môr', o'r gair Lladin marinus (cf. Llŷr Marini).[2]

Bu Bodferin yn blwyf sifil yn yr hen Sir Gaernarfon tan iddo gael ei ymgorffori ym mhlwyf sifil Aberdaron yn 1934. Dim ond tua 30 o bobl a gofnodir yn byw yn y plwyf yn 1861.[3]

Cyfeiriadau[golygu | golygu cod]

  1. D. T. Davies, Hanes Eglwysi a Phlwyfi Lleyn (Pwllheli, 1910), tud. 169-70.
  2. Geiriadur Prifysgol Cymru, Cyfrol III.
  3. Rhiw.com

Dolenni allanol[golygu | golygu cod]