BlackBerry

Oddi ar Wicipedia
Neidio i: llywio, chwilio
BlackBerry Bold 9650

Teulu o ddyfeisiau e-bost symudol a ffonau clyfar yw BlackBerry (neu'r Fiaren fel y caiff ei hadnabod ar lafar), a ddatblygwyd ac a gynlluniwyd gan gwmni o Ganada, sef Research In Motion (RIM) ers 1999.

Mae'r ddyfais hon yn amlbwrpas, gan ei bod yn gweithredu fel cymorthydd digidol personol (personal digital assistants), chwaraewr-cyfryngau symudol (portable media players), porwyr gwe (internet browsers), dyfais chwarae gemau (gaming devices), a llawer mwy. Caiff y fiaren ei brolio'n aml am ei gallu i dderbyn a gwthio ebyst a negeseuon parod (instant messages) (megis Blackberry Messanger) gan gynnal safonau diogelwch uchel iawn drwy amgrypto'r data yn y ddyfais ei hun.

Daeth y ffôn yn boblogaidd dros nos gan fusnesau a'r byd diwydiannol, ond yn hytrach na chanolbwyntio ar hynny, ymledodd ei hadennydd i gystadlu gydag IPhone ac Android i ennill cwsmeriaid cyffredin gyda gogwydd at gemau a'r angen am raglenni 'cyfryngol' e.e. fideo ac apps.[1]

Draenen ariannol yn ystlys y cwmni[golygu]

Ar y 30 Mawrth 2012, cyhoeddodd y cwmni iddyn nhw wneud £78 miliwn o golled yn y chwarter diwethaf. Roedd pob siar yn y cwmni ar y diwrnod hwnnw yn werth llai na $14; siars a fu, yn eu hanterth, yn werth deg gwaith hynny: $140. Cafwyd sawl nwydd a fu'n ffiasgo e.e. lansiwyd y fiaren PlayBook heb y gallu i ddanfon ebost, yn 2011 ac erbyn Mawrth 2012 (flwyddyn yn ddiweddarach) roeddent yn mynd yn rhad fel baw, ar wefannau fel Ebay, er mwyn eu gwared.[1]

Gweler hefyd[golygu]

Cyfeiriadau[golygu]

  1. 1.0 1.1  Christopher Williams (30/03/2012). BlackBerry beats a shambolic retreat. The Daily Telegraph. Adalwyd ar 01 Ebrill 2012.