Big Leaves
| Enghraifft o'r canlynol | band  |
|---|---|
| Gwlad |  Cymru |
| Label recordio | Ankst |
| Dod i'r brig | 1988 |
| Genre | roc indie |
Band poblogaidd o Waunfawr, Caernarfon oedd Big Leaves (Beganifs yn wreiddiol). Ffurfiwyd y band yn wreiddiol pan oedd yr aelodau yn eu arddegau ac yn ddisgyblion yn Ysgol Syr Hugh Owen, Caernarfon.[1] Mabwysiadwyd yr enw "Beganifs" ar ôl y glas-enw lleol ar bobol y Waunfawr.[2]
Yn y 1990au gwahoddwyd y band i berfformio mewn gŵyl yn Amsterdam a saethwyd fideo yno. Camglywodd rastaffarian lleol enw'r band fel 'Big Leaves' - ac fe sticiodd yr enw. Daeth EP cyntaf y band gyda'r enw newydd yn 1998.[3]
Fe wnaeth y band roi'r ffidl yn y to yn 2005. Alien & Familiar oedd albwm olaf y band ac yn gampwaith ymysg nifer o senglau ag albymau penigamp a gyhoeddwyd gan y band. Yn y blynyddoedd cynnar roedd potensial y band dwyieithog yn amlwg, a honnwyd i Liam Gallagher o'r band byd-enwog Oasis ddewis '‘Fine'’ fel sengl y flwyddyn yn 2000.
Cyn hynny, roedden nhw wedi rhyddhau'r cyntaf o ddau albwm: Pwy Sy’n Galw?. Albwm uniaith Gymraeg ydoedd, a gynhwysai eu cân enwocaf, ‘'Seithenyn'’. Dywedodd Rhodri Siôn mewn cyfweliad - "Our song 'Seithenyn' has a middle eight that's like a Welsh Bohemian Rhapsody. It's a song about this Welsh legend. There's barber shop singing in the middle!"[3] Rhyddhaodd y band nifer o EPs o safon a thyfodd eu statws fel band ‘byw’ ardderchog.
Gydag ychydig mwy o gyhoeddusrwydd, nid oes amheuaeth y gallai Big Leaves fod wedi ehangu eu henw da a dyfod yn un o’r bandiau mwyaf poblogaidd i’w geni yng Nghymru, gan ddilyn olion traed y Super Furry Animals a’r Manic Street Preachers.[angen ffynhonnell]
Aelodau[golygu | golygu cod]
- Rhodri Siôn - llais
- Meilir Gwynedd - gitâr, llais
- Kevin Tame - bas, llais
- Osian Gwynedd - allweddellau, llais
- Matt Hobbs - drymiau
Disgyddiaeth[golygu | golygu cod]
- fel Beganifs
- Ffraeth (Albwm caset, Recordiau Ankst, ANKST 026, 1992)
- Aur (Albwm caset, Recordiau Ankst, ANKST 035, 1992)
- Beganifs (EP caset, Recordiau Ankst, ANKST 049, 1994)
- fel Big Leaves
- Trwmgwsg (EP, Crai CD062, 1998)
- Belinda (EP, Crai CD066, 1999)
- "Sly Alibi / Double Trouble " (Sengl, W-CRACK002, 1999)
- "Racing Birds" (Sengl, W-CRACK003, 1999)
- Pwy Sy'n Galw (Albwm, Crai CD 069, 2000)
- Animal Instinct (EP, EDDA02, 2001)
- Speakeasy (EP, EDDA04, 2001)
- Siglo (EP, CRAI CD082, 2002)
- Alien & Familiar (Albwm, EDDA 05CD, 2004)
Dolenni allanol[golygu | golygu cod]
- Sianel YouTube Big Leaves
- Beganifs - Cwcwll ar YouTube
Cyfeiriadau[golygu | golygu cod]
- ↑ CYFWELIAD / INTERVIEW: Osian Gwynedd - Sibrydion. Blog Bachu Sylw (1 Mehefin 2011). Adalwyd ar 6 Mawrth 2017.
- ↑ BIG LEAVES - Bywgraffiad. Sain. Adalwyd ar 6 Mawrth 2017.
- ↑ 3.0 3.1 (Saesneg) Big Leaves biography. BBC (30 Ionawr 2009). Adalwyd ar 6 Mawrth 2017.