Beryl Williams
| Beryl Williams | |
|---|---|
| Ganwyd | 12 Rhagfyr 1936 Dolgellau, Sir Feirionnydd |
| Bu farw | Mehefin 2004 Dolgellau, Gwynedd |
| Yn enwog am | Nel |
| Galwedigaeth | Actores |
Actores Gymreig oedd Beryl Williams (12 Rhagfyr 1937 – Mehefin 2004). Fe'i ganed yn Nolgellau yn ferch i deiliwr alcoholig.[1] Mynychodd Ysgol breswyl Dr. Williams i ferched wedi iddi dderbyn ysgoloriaeth. Cymrodd ran mewn dramâu yn yr ysgol cyn mynd yn fyfyrwraig i Goleg Drama Rose Bruford yn Llundain. Tra yno, cyfarfu a Freddie Jones sef un o brif actorion y theatr yn Lloegr a datblygodd berthynas rhyngddynt.[2] Serch hynny, ar ôl iddi orffen ei chwrs dychwelodd i Ddolgellau.
Bu'n gweithio fel actores tan y 1990au gan berfformio mewn cynhyrchiadau ar gyfer y BBC, Cwmni Theatr Cymru, ambell gynhyrchiad Saesneg a dramâu S4C yn y 1980au. Bu Williams yn gweithio gyda'r cynhyrchydd a'r cyfarwyddwr drama Wilbert Lloyd Roberts ar amryw o ddramâu arloesol gan gynnwys "A Rhai yn Fugeiliaid" gan Islwyn Ffowc Elis (1961) a'r "Byd ar Betws, gyda David Lyn a Gaynor Morgan Rees.
Cyfeiriadau [golygu]
- ↑ http://www.theatre-wales.co.uk/barn/manylion.asp?barnID=6%7C Teyrnged Dyfan Roberts i'r actores Beryl Williams
- ↑ http://www.theatre-wales.co.uk/barn/manylion.asp?barnID=6
