Bernard Madoff

Oddi ar Wicipedia
Neidio i: llywio, chwilio
Ffotograff Adran Gyfiawnder yr Unol Daleithiau o Bernard Madoff, 2009.

Cyn-ddyn busnes, brocer stoc, cynghorwr buddsoddi, ac ariannwr Americanaidd yw Bernard Lawrence "Bernie" Madoff (play /ˈmdɒf/;[1] ganwyd 29 Ebrill 1938). Ef yw cyn-gadeirydd anweithredol y farchnad stoc NASDAQ, ac ef oedd tu ôl i'r cynllun Ponzi mwyaf yn hanes yr Unol Daleithiau.

Ym mis Mawrth 2009, plediodd Madoff yn euog i 11 o feloniaethau: twyll gwarantau, twyll cynghori buddsoddwyr, twyll post, twyll gwifr, prosesu arian anghyfreithlon yn rhyngwladol i alluogi twyll wrth werthu gwarantau, prosesu arian anghyfreithlon yn rhyngwladol i guddio elw o dwyll wrth werthu gwarantau, prosesu arian anghyfreithlon, gwneud datganiadau anwireddus, anudoniaeth, gwneud cofnod anwireddus â'r Comisiwn Gwarantau a Chyfnewid, a lladrad o gynllun budd-daliadau gweithwyr.[2] Cafodd ei ddedfrydu i'r carchar am 150 mlynedd.[3]

Cyfeiriadau[golygu]