Ben Macdhui

Oddi ar Wicipedia
Neidio i: llywio, chwilio
Ben Macdui
(Mynyddoedd y Cairngorms)
Ben Macdhui o gopa cyfagos
Cyfieithiad Daw'r enw o deulu'r Iarll Donnchad II a enillodd frwydr yn yr ardal yma yn 1187.
Iaith Gaeleg yr Alban
Testun y llun Ben Macdhui o gopa cyfagos
Uchder (m) 1309
Uchder (tr) 4295
Amlygrwydd (m) 950
Lleoliad Ucheldiroedd yr Alban
Map topograffig Landranger ;36 43
Explorer 403S
Cyfesurynnau OS NN988989
Gwlad yr Alban
Dosbarthiad Marilyn, Munro, Murdo, HuMP

Mae Ben Macdui, hefyd Ben Macdhui neu Beinn Mac Duibh yn gopa mynydd a geir ym mynyddoedd y Cairngorms yn Ucheldiroedd yr Alban; cyfeiriad grid NN988989. Saif ger y ffîn rhwng Swydd Aberdeen a Moray. Dyma ail fynydd uchaf gwledydd Prydain ar ôl Ben Nevis. Gellir ei ddringo ar hyd nifer o lwybrau; yr hawddaf yw o faes parcio Coire Cas ger Canolfan Sgïo Cairngorm, sy'n daith o tua 7 km (4 millir) i'r copa. Gellir ymweld a chopa Cairn Gorm ar y ffordd.

Cyn cynhyrchiad mapiau manwl o'r Alban yn y 19eg ganrif, ni wyddid yn sicr mai Ben Nevis oedd pwynt uchaf Prydain, a chredid yn aml y gallai Ben Macdui ei fod. Wedi'r cadarnhad mai Ben Nevis oedd yr uchaf, roedd gan rai bobl leol gynlluniau i adeiladu carnedd ar gopa Ben Macdui o uchder digonol er mwyn iddo fod yn uwch na Ben Nevis, er na chwblhawyd y cynlluniau hynny.

Ceir piler triongl yr OS ger y copa.

Dosberthir copaon yr Alban yn rhestri arbennig yn ôl uchder ac yn ôl amlygrwydd y copa; mae'r copa hwn yn cael ei alw'n Marilyn, Munro, Murdo ac yn HuMP. Mae sawl cymdeithas yn mesur, gwiro a chasglu'r rhestri hyn a dônt ynghŷd ar wefan “Database of British and Irish hills”.[1] Gwneir bob ymdrech i ganfod yr enw yn yr iaith wreiddiol, a gwerthfawrogwn eich cymorth os gwyddoch yr enw Gaeleg.

Gweler hefyd[golygu]

Dolennau allanol[golygu]

Cyfeiriadau[golygu]