Baner Fietnam
Oddi ar Wicipedia
Baner goch (sy'n symboleiddio chwyldro a thywallt gwaed) gyda seren aur bum-pwynt yn ei chanol (i gynrychioli undeb y pum grŵp o weithwyr o fewn sosialaeth a Chonffiwsiaeth draddodiadol: y gweithwyr, y gwerinwyr, y deallusion, y ieuenctid, a'r milwyr) yw baner Fietnam. Mabwysiadwyd gan Ogledd Comiwnyddol y wlad ar 30 Tachwedd, 1955, blwyddyn ar ôl rhaniad Fiet Nam, a mabwysiadwyd gan y De hefyd yn dilyn ad-uniad y wlad yn 1976 fel Gweriniaeth Sosialaidd Fiet Nam ar ôl diwedd Rhyfel Fietnam. Mae'n unfath â'r faner a ddefnyddiwyd gan y mudiad gwrthwynebiad cenedlaethol, dan arweiniad Ho Chi Minh, yn ei frwydr yn erbyn lluoedd Japan oedd yn meddiannu'r wlad yn ystod yr Ail Ryfel Byd.
[golygu] Ffynonellau
- Complete Flags of the World, Dorling Kindersley (2002)
