Banda Neira

Oddi ar Wicipedia
Neidio i: llywio, chwilio
Yr olygfa o Banda Neira (lithograff yn seiliedig ar baentiad gan Josias Cornelis Rappard, 1883-1889)

Banda Neira yw'r unig anheddiad sylweddol o ran maint ar unrhyw un o'r Ynysoedd Banda. Fe'i lleolir yn nhalaith Maluku yn Indonesia. Lleolir y ddinas ar yr ynys ganolog o'r grŵp Bandas, Banda Neira, a dyma yw'r unig ynys digon o dir gwastad i fedru adeiladu tref fechan. Mae swyddfeydd y llywodraeth, storfeydd, cei a bron i hanner y boblogaeth o 14,000 i'w cael yno.

Arferai Banda Neira fod yn ganolfan rhyngwladol ym masnach nytmeg a byrllysg, am mai'r Ynysoedd Banda oedd yr unig ffynhonnell o'r perlysiau gwerthfawr hyn tan canol yr 19eg ganrif. Sefydlwyd y dref fodern gan aelodau o'r Vereenigde Oost-Indische Compagnie ("Cwmni Unedig India'r Dwyrain"), a laddodd neu a orfododd y mwyafrif o'r trigolion Bandaneaidd i adael er mwyn cymryd mantais o'r adnodd gwerthfawr hwn.