Bab al Mandab

Oddi ar Wicipedia
Neidio i: llywio, chwilio
Bab-el-Mandeb (delwedd gan NASA)

Culfor sy'n gorwedd rhwng Yemen yn Arabia (gorllewin Asia) a Djibouti yn Horn Affrica (gogledd-ddwyrain Affrica), gan wahanu'r ddau gyfandir hwnnw, yw Bab al Mandab, neu Bab el-Mandeb (hefyd Bab al Mandib neu Bab al Mandeb), sy'n golygu "Porth Dagrau" yn yr iaith Arabeg (باب المندب). Mae'n cysylltu'r Môr Coch a Gwlff Aden yng Nghefnfor India. Cyfeirir ato weithiau fel Culfor Mandab hefyd.

Daw'r enw Arabeg o'r ffaith fod peryglon yn ymwneud â morio yn y culfor ac o'r chwedl Arabaidd am ddaeargryn fawr yno a foddodd filoedd gan gwahanu Affrica ac Asia. Mae Bab al Mandab yn ddolen strategol bwysig iawn ar y llwybr morwol sy'n cysylltu'r Môr Canoldir a Chefnfor India trwy'r Môr Goch a Chamlas Suez.

Globe stub.svg Eginyn erthygl sydd uchod am ddaearyddiaeth. Gallwch helpu Wicipedia drwy ychwanegu ato.