Argws brown

Oddi ar Wicipedia
Neidio i: llywio, chwilio
Aricia agestis
Dosbarthiad gwyddonol
Teyrnas: Animalia
Ffylwm: Arthropoda
Dosbarth: Insecta
Urdd: Lepidoptera
Teulu: Lycaenidae
Genws: Aricia
Rhywogaeth: A. agestis
Enw deuenwol
Aricia agestis
(Denis & Schiffermüller, 1775)
Oedolyn yn yr Eidal

Glöyn byw sy'n perthyn i urdd y Lepidoptera yw argws brown, sy'n enw gwrywaidd; yr enw lluosog ydy argysau brown; yr enw Saesneg yw Brown Argus, a'r enw gwyddonol yw Aricia agestis.[1][2] Mae i'w ganfod yng Nghymru a Lloegr mor ogleddol â Swydd Efrog. Mae i'w weld hefyd ledled Ewrop: o dde Sweden i Sbaen ac i'r dwyrain hyd at Siberia.

Bwyd[golygu]

Hoff fwyd yr Argws brown ydy mathau o fynawyd y bugail, ar dir calchog.

Wyau ac oedolion[golygu]

Caiff yr wyau eu dodwy ar y tu isaf i ddail, a hynny'n unigol. Mae'r siani flewog yn debycach i wlithen a cheir morgrug o'i chwmpas yn aml. Yng ngwledydd Prydain un cenhedlaeth a geir ac fe'i gwelir ar adenydd ym Mehefin a Gorffennaf.

Cyffredinol[golygu]

Gellir dosbarthu'r pryfaid (neu'r Insecta) sy'n perthyn i'r Urdd a elwir yn Lepidoptera yn ddwy ran: y gloynnod byw a'r gwyfynod. Mae'r dosbarthiad hwn yn cynnwys mwy na 180,000 o rywogaethau mewn tua 128 o deuluoedd.

Wedi deor o'i ŵy mae'r argws brown yn lindysyn sydd yn bwyta llawer o ddail, ac wedyn mae'n troi i fod yn chwiler. Daw allan o'r chwiler ar ôl rhai wythnosau. Mae pedwar cyfnod yng nghylchred bywyd glöynnod byw a gwyfynod: ŵy, lindysyn, chwiler ac oedolyn.

Gweler hefyd[golygu]

Comin Wikimedia
Mae gan Gomin Wikimedia gyfryngau sy'n berthnasol i:

Cyfeiriadau[golygu]

  1.  Gwefan Cyngor Cefn Gwlad Cymru. Cyngor Cefn Gwlad Cymru. Adalwyd ar 29 Chwefror 2012.
  2. Geiriadur enwau a thermau ar Wefan Llên Natur; adalwyd 13/12/2012.