Aran Fawddwy

Oddi ar Wicipedia
Neidio i: llywio, chwilio
Coordinates: 52°47′N 3°41′W / 52.79°N 3.69°W / 52.79; -3.69
Aran Fawddwy
(Aran Fawddwy)
Aran Fawddwy (ar y chwith) a Chreiglyn Dyfi
Cyfieithiad
Iaith Cymraeg
Testun y llun Aran Fawddwy (ar y chwith) a Chreiglyn Dyfi
Uchder (m) 905
Uchder (tr) 2969
Amlygrwydd (m) 670
Lleoliad rhwng y Bala a'r Trallwng
Map topograffig Landranger 124 125;
Explorer 23E
Cyfesurynnau OS SH862223
Gwlad Cymru
Dosbarthiad Marilyn, Hewitt a Nuttall
Aran Fawddwy is located in Cymru
Aran Fawddwy (Cymru)

Mae Aran Fawddwy yn fynydd yn ne Parc Cenedlaethol Eryri yng Ngwynedd. Aran Fawddwy, 905 medr o uchder, yw'r mynydd uchaf yng Nghymru ac ar Ynys Prydain i'r de o'r Wyddfa. Aran Fawddwy yw'r copa uchaf ar y grib sy'n rhedeg tua'r de-orllewin o gyffiniau Llanuwchllyn tua Dolgellau, sydd hefyd yn cynnwys Aran Benllyn sydd fymryn yn is, ac yna'n parhau tua'r gorllewin fel Cadair Idris, gyda Bwlch Oerddrws yn gorwedd rhwng dwy ran y gadwyn; cyfeiriad grid SH862223. Uchder cymharol, neu ”amlygrwydd” y copa, ydy 235metr: dyma'r uchder mae'r copa'n codi uwchlaw'r mynydd agosaf.

Y pentrefi agosaf i'r mynydd yw Dinas Mawddwy i'r de, Llanymawddwy i'r de-ddwyrain, Rhydymain i'r gorllewin a Llanuwchllyn tua'r gogledd. Ar lechweddau dwyreiniol Aran Fawddwy mae llyn bychan Creiglyn Dyfi, lle mae Afon Dyfi yn tarddu. Daw'r enw o gwmwd Mawddwy, oedd yn cynnwys y wlad o gwmpas rhan uchaf Afon Dyfi.

Gellir dringo'r mynydd o'r de o Gwm Cywarch, sy'n rhedeg tua'r gogledd o Ddinas Mawddwy. Ffordd arall o gyrraedd y copa yw dringo Aran Benllyn o Lanuwchllyn, ac yna dilyn y grib.

Y Copa[golygu]

Dosberthir copaon Cymru, a gweddill gwledydd Prydain, yn rhestri arbennig yn ôl uchder ac yn ôl amlygrwydd y copa; mae'r copa hwn yn cael ei alw'n Marilyn, Hewitt a Nuttall. Mae sawl cymdeithas yn mesur, gwiro a chasglu'r rhestri hyn a dônt ynghŷd ar wefan “Database of British and Irish hills”.[1] Uchder y copa o lefel y môr ydy 905m (2969tr). Cafodd yr uchder ei fesur a'i gadarnhau ddiwethaf ar 28 Ionawr 2004.

Gweler hefyd[golygu]

Dolennau allanol[golygu]

Cyfeiriadau[golygu]