Aradia, or the Gospel of the Witches

Oddi ar Wicipedia
Neidio i: llywio, chwilio
Aradia, or the Gospel of the Witches  
Aradia-title-page.jpg
Tudalen flaen yr argraffiad gwreiddiol a gyhoeddwyd ym 1899
Awdur Charles Godfrey Leland
Gwlad Y Deyrnas Unedig
Iaith Saesneg
Genre(s) Llên gwerin, Dewiniaeth
Cyhoeddwr David Nutt
Dyddiad cyhoeddi 1899
Math o gyfrwng Print (Llyfr clawr caled & Llyfr clawr papur)

Llyf o 1899 a ysgrifennwyd gan Charles Godfrey Leland yw Aradia, or the Gospel of the Witches. Cais yw'r llyfr i bortreadu credoau a defodau traddodiad o ddewiniaeth grefyddol gudd yn Nhoscana, Yr Eidal. Dywedodd Leland fod y traddodiad hwnnw wedi goroesi am ganrifoedd nes iddo ei ddarganfod yn y 1890au, ond mae ysgolheigion wedi dadlau geirwiredd y datganiad hwn. Serch hynny, daeth y llyfr yn un o destunau sylfaenol Wica a Stregheria, mudiadau dewiniaeth Neo-baganaidd.

Mae'r llyfr ei hun yn gyfansawdd, am fod rhai darnau yn gyfieithiadau gan Leland o'r llawysgrif Eidaleg wreiddiol (y Vangelo, sef 'efengyl') i'r Saesneg. Dywedodd Leland y cafodd y llawysgrif gan rywun oedd yn ymarfer dewiniaeth yr Eidal, gwraig y gyfeirir ati fel "Maddalena" gan Leland. Daw gweddill y cynnwys o ymchwil Leland ar lên gwerin a thraddodiadau'r Eidal, gan gynnwys cynnwys perthynol arall gan Maddalena. Roedd Leland yn ymwybodol o fodolaeth y Vangelo ers 1886, ond aeth un ar ddeg mlynedd heibio cyn iddo gael copi o'r llyfr gan Maddalena. Wedi cyfieithu a golygu'r cynnwys, cymerodd ddwy flynedd arall cyn i'r llyfr gael ei gyhoeddi. Mae ei bymtheg pennawd yn portreadu tarddiadau, credoau, defodau, a swynion y traddodiad dewiniaeth Paganaidd Eidalaidd. Y dduwies Aradia yw prif gymeriad y grefydd honno, a ddaeth i'r Ddaear i addysgu'r ymarfer o ddewiniaeth i'r werin er mwyn iddyn nhw wrthwynebu eu gormeswyr ffiwdal a'r Eglwys Gatholig Rufeinig.

Cyfeiriadau[golygu]

Dolenni allanol[golygu]