Ar Redadeg

Oddi ar Wicipedia
Neidio i: llywio, chwilio

Ras a redwyd drwy Lydaw yw'r Redadeg. Cynhaliwyd yr un cyntaf ym mis Mai 2008 am gyfnod o dridiau er mwyn hybu achos yr iaith Lydaweg, yn debyg felly i Korrika yng Ngwlad y Basg. Rhedwyd hi o dde Llydaw i'r gogledd, o Naoned i Brest, ac wedyn i Karaez. Trefnwyd y Redadeg gyntaf hon gan rwydwaith ysgolion cyfrwng Llydaweg, Diwan, i ddathlu 30 mlwyddiant sefydlu'r mudiad. Aeth yr elw o'r ras gyntaf hon i gyd i Diwan. Ar wahân i arwyddion Llydaweg, Diwan yw'r unig elfen o gydnabyddiaeth statws swyddogol gan Lywodraeth Ffrainc i'r Llydaweg.[1]

Mae'r elw bellach yn cael ei rhannu ymysg sefydliadau a chymdeithasau eraill i Diwan.

Seilir Redadeg ar ras yr iaith Basgeg, 'Korrika'. Ceir hefyd bellach ras dros y Wyddeleg, 'an Rith' a'r Gymraeg, 'Ras yr Iaith'. Cynhelir y Redadeg bob dwy flynedd (mis Mai 2008, mis Mai 2010, mis Mai 2012, mis Mai 2014). Yn gyffredin i'r Korrika rhedir yn ddi-stop am 24 awr y dydd. Dydy y Rith a Ras yr Iaith ddim yn rhedeg drwy'r nos.

Bu llwyddiant y Redadeg yn ysbrydoliaeth i sefydlu Ras yr Iaith ar gyfer y Gymraeg a gelwid y cwmni nid-er-elw sy'n trefnu'r Ras yn 'Rhedadeg' fel cydnabyddiaeth o hyn.

Caneuon y Redadeg[golygu]

Bydd bob Redadeg yn cael ei hadnabod gan arwyddgan wedi ei chyfansoddi'n arbennig ar gyfer y ras.

  • 2008: canwyd gan y grŵp roc Llydewig, EV. enw'r gân oedd 'Redadeg'.
  • 2010: canwyd gan David ar Gall ac ysgolion Diwan yn Gwened. Enw'r gân oedd 'Readadeg'.
  • 2012: canwyd gan y canwr a'r ymgyrchydd iaith, Mark Kerrain. Ceir hefyd cân gan y canwr roc Llydaweg adnabydus, Dom Duff, 'Foeter Breizh'.
  • 2014: canwyd gan Alambig Elektrik a crewyd fideo ar ei chyfer, 'Cân y Redadeg 2014'.

Rasus Iaith Eraill[golygu]

Cyfeiriadau[golygu]

  1. Henriette Walter, L'Aventure de Langues en Occident, list of the official languages of Europe and their official status, pp 31-34.

Dolenni allanol[golygu]