Anastasius I (ymerawdwr)

Oddi ar Wicipedia
Neidio i: llywio, chwilio
Flavius Anastasius ar ddarn arian

Ymerawdwr Bysantaidd rhwng 491 a 518 oedd Flavius Anastasius neu Anastasius I, hefyd Anastasios I, Groeg: Αναστάσιος Α', (c. 430 - 9 Gorffennaf, 518).

Ganed Anastasius yn Dyrrhachium, rywbryd cyn 430. Roedd ganddo un llygad du ac un llygad glas, ac felly gelwid ef yn Dicorus (Groeg: Δίκορος).

Pan fu farw'r ymerawdwr Zeno yn 491, roedd Anastasius yn dal swydd silentiarius yn y llys. Dewisodd gweddw Zeno, yr ymerodres Ariadne, ei briodi, a thrwy hynny ei wneud yn ymerawdwr. Bu raid iddo ymladd yn erbyn cefnogwyr Longinus o Cardala, brawd Zeno, ac yn erbyn y Persiaid; wedi brwydro hir, gwnaed cytundeb heddwch a'r Persiaid yn 506. Roedd hefyd fygythiad yn y Balcanau oddi wrth y Slafiaid a'r Bwlgariaid, ac adeiladodd yr ymerawdwr Fur Anastasius i amddiffyn dinas Caergystennin.

O ran diwinyddiaeth, roedd Anastasius yn ddilynwr monoffisiaeth, a daeth yn amhoblogaidd yn rhai o rannau gorllewinol yr ymerodraeth o ganlyniad. Ail-drefnodd system ariannol yr ymerodraeth yn 498; dan y system newydd roedd tri darn aur gwahanol, y solidus, hanner solidus a thraean solidus, a phum darn arian copr, y follis a thannau o follis. Ar ddiwedd ei deyrnasiad, roedd trysorfa'r ymerodraeth yn gyfoethocach o 320,000 pwys o aur.

Nid oedd ganddo blant, ac olynwyd ef gan Justinus I.