Amoniwm clorid

Oddi ar Wicipedia
Neidio i: llywio, chwilio
Amoniwm clorid
NH4Cl.png


Yn ei ffurf buraf, halwyn o grisialau gwynion ydy Amoniwm clorid (NH4Cl) (hefyd: Sal Amoniac, salmiac, sal armagnac neu sal armoniac). Gall hydoddi'n hawdd mewn dŵr ac mae'n asid gwan. Gellir ei gloddio fel mwyn o'r ddaear a gelwir y mwyn hwn yn "sal amoniac". Gall hefyd ffurfio pan losgir tomenni glo drwy gyddwyso o nwyon y glo; fe wnâ hyn hefyd ar losgfynyddoedd.

Ei greu mewn diwydiant[golygu]

Gellir ei gynhyrchu (ar ffurf isgynnyrch) mewn labordy yn y broses o greu sodiwm carbonad.[1]

Caiff ei gynhyrchu mewn diwydiant drwy greu adwaith cemegol rhwng amonia (NH3) a hydrogen clorid (HCl). Gan fod y ddau gemegolyn hyn yn gyrydol (Sa: corrosive) mae'r broses hon yn cael ei wneud mewn cynhwysyn enfawr wedi'i leinio gyda defnydd sydd ddim yn cyrydu ee gwydr, enamel, plwm neu upvc.[1]

NH3 + HCl → NH4Cl

Gall yr adwaith hwn hefyd ddigwydd yn y cartref neu'r labordy pan gedwir dwy botel o'r cemegolion amonia (neu amoniwm hydrocsid) ac asid hydroclorig ochr yn ochr, a'r rheiny heb eu selio'n iawn. Bydd grisialau'n ffurfio o amgylch yr agoriadau di-sel.


Gweler hefyd[golygu]

Cyfeiriadau[golygu]

  1. 1.0 1.1 Egon Wiberg, Arnold Frederick Holleman (2001) Inorganic Chemistry, Elsevier ISBN 0123526515

External links[golygu]