Alun Ffred Jones

Alun Ffred Jones
Aelod Cynulliad dros Gŵyr
Cyfnod yn y swydd 3 Mai 2003 – 1 Mai 2007
Aelod Cynulliad dros Gŵyr
Deiliad
Cymryd y swydd 1 Mai 2007
Geni	29 Hydref 1949 (1949-10-29) Brynaman, Sir Gaerfyrddin
Plaid wleidyddol	Plaid Cymru
Alma mater	Prifysgol Bangor

Gwleidydd Cymreig yw Alun Ffred Jones (ganwyd 29 Hydref 1949). Ef yw Aelod Cynulliad Plaid Cymru dros etholaeth Arfon. Etholwyd i'r Cynulliad Cenedlaethol am y tro cyntaf ym mis Mai 2003. Ef yw'r Gweinidog dros Dreftadaeth yn Llywodraeth Cynulliad Cymru.

Cefndir

Ganed Alun Ffred Jones ym Mrynaman ym 1949.

Mae'n adnabyddus am gyd-ysgrifennu a chyfarwyddo C'mon Midffild!, rhaglen gomedi fwyaf llwyddiannus S4C. Cyn dod yn gyfarwyddwr a chynhyrchydd teledu gyda Ffilmiau'r Nant, Caernarfon, bu'n athro ysgol a phennaeth adran yn y Gymraeg, ac yn newyddiadurwr gyda HTV. Mae'n gyn Arweinydd Cyngor Gwynedd, yn Gadeirydd Antur Nantlle ac yn Gadeirydd Clwb Pêl-droed Dyffryn Nantlle.

Yn gyn-gadeirydd CYFLE a Bwrdd Rheoli TAC, mae ganddo ddiddordeb a gwybodaeth am ddarlledu ac hyfforddi.

Ymysg ei ddiddordebau eraill mae datblygu cymunedol, theatr, chwaraeon a beicio.

Carreg filltir i'r iaith Gymraeg

Ar 20 Tachwedd 2008, gwnaeth Alun Ffred Jones hanes drwy ddefnyddio'r Gymraeg mewn cyfarfod o Gyngor Gweinidogion Undeb Ewrop am y tro cyntaf erioed. Siaradodd fel Gweinidog dros Dreftadaeth Cymru yn rhan o ddirprwyaeth y DU i'r cyfarfod. Cyfieithwyd araith y gweinidog mewn canlyniad i gytundeb rhwng llywodraethau Cymru a'r DU ac Undeb Ewrop a gytunwyd yng Ngorffennaf 2008.

Dolen allanol

• Gwefan swyddogol
• "Eira Gwyn Alun Ffred"

Cyfeiriadau

Cynulliad Cenedlaethol Cymru
Rhagflaenydd: etholaeth newydd	Aelod Cynulliad dros Gaernarfon 1999 – 2007	Olynydd: dilewyd yr etholaeth
Rhagflaenydd: etholaeth newydd	Aelod Cynulliad dros Arfon 2007 – presennol	Olynydd: deiliad

Eginyn erthygl sydd uchod am Gymro neu Gymraes. Gallwch helpu Wicipedia drwy ychwanegu ato