Alfred Dreyfus

Oddi ar Wicipedia
Neidio i: llywio, chwilio
Seremoni diswyddo Alfred Dreyfus fel swyddog milwrol

Swyddog milwrol Ffrengig o dras Iddewig a gyhuddwyd ar gam o fod yn ysbïwr i'r Almaen oedd Alfred Dreyfus (9 Hydref 185912 Gorffennaf 1935).

Ganed Drefus yn Mulhouse yn Alsace. Ar 5 Ionawr 1895, cafwyd ef yn euog o drosglwyddo dogfennau cyfrinachol i'r Almaen, ac wedi ei ddiswyddo fel swyddog, condemniwyd ef i garchar am oes ar Ynys y Diafol.

Dechreuodd ymgyrch i'w ryddhau, gan fod y dystiolaeth yn ei erbyn yn wan a bod gwrth-semitiaeth yn elfen yn yr achos. Yn 1898, cyhoeddodd Émile Zola ei bamffled enwog J'accuse...! am achos Dreyfus. Yn y pamffled yma, rhoddodd enw'r gwir ysbïwr, yr Hwngariad Ferdinand Walsin-Esterhazy. Rhyddhawyd Dreyfus o garchar ar 19 Medi 1899, ond dim ond ar 12 Gorffennaf 1906 y dyfarnwyd ef yn ddieuog yn derfynol.

Llyfryddiaeth[golygu]

  • Lettres d'un innocent (1898)
  • Les lettres du capitaine Dreyfus à sa femme (1899), ysgrifennwyd ar Ynys y Diafol
  • Cinq ans de ma vie (1901)
  • Souvenirs et correspondance, (cyhoeddwyd yn 1936, wedi ei farwolaeth)