Ahmedabad

Oddi ar Wicipedia
Neidio i: llywio, chwilio
Afon Sabarmati

Dinas yn nhalaith Gujarat yng ngorllewin India yw Ahmedabad (Gujarateg: અમદાવાદ Amdāvād, Hindi: अहमदाबाद). Hi yw seithfed dinas India o ran poblogaeth, gyda 4,269,846 yn byw yn y ddinas yn 2008 a 5,680,566 yn yr ardal ddinesig. O 1960 hyd 1970, Ahmedabad oedd prifddinas talaith Gujarat; y flwyddyn honno daeth Gandhinagar yn brifddinas.

Saif y ddinas ar Afon Sabarmati. Sefydlwyd hi yn 1411 gan Swltan Ahmed Shah fel prifddinas i Swltaniaeth Gujarat, ac enwyd y ddinas ar ei ôl ef. Cipiwyd Gujarat gan yr ymerawdwt Mughal Akbar yn 1573, a daeth yn un o ddinasoedd pwysicaf yr ymerodraeth. Yn 1915, sefydlodd Mahatma Gandhi ashram yn y ddinas, y Kochrab Ashram, yna yn 1917 sefydlodd y Satyagraha Ashram (yn awr Sabarmati Ashram). O Ahmedabad y cychwynnodd Gandhi ar ei daith enwog i'r môr i gasglu halen yn 1930.

Hi yw dinas bwysicaf y dalaith ar gyfer masnach, a bu datblygiad economaidd sylweddol yn ystod y blynyddoedd diwethaf.