Afon Terek

Oddi ar Wicipedia
Neidio i: llywio, chwilio
Afon Terek yng ngogledd Georgia

Afon sy'n llifo trwy Georgia a Rwsia i ymuno a Môr Caspia yw afon Terek (Georgeg: Tergi, Tsietsieg: Terk). Hi yw'r ail-fwyaf o'r afonydd sy'n tarddu ym Mynyddoedd y Cawcasws, ac mae ei hyd yn 623 km.

Mae'n tarddu mewn rhewlif yn Georgia, ym mynyddoedd y Cawcasws yn agos at y ffîn a Rwsia. Mae'n llifo tua'r gogledd i mewn i Rwsia. Yn Rwsia, mae'n llifo trwy bedair gweriniaeth ymreolaethol, Gogledd Ossetia, Kabardino-Balkaria, Gogledd Ossetia eto, Tsietsnia a Dagestan. Y ddinas fwyaf ar yr afon yw Vladikavkaz, prifddinas Gogledd Osetia, a saif lle mae'r afon yn cyrraedd y gwastadedd.