Afon Tay

Oddi ar Wicipedia
Neidio i: llywio, chwilio
Afon Tay yn ninas Perth.

Afon Tay (Gaeleg yr Alban: Tatha) yw afon hwyaf yr Alban, 193 km (120 milltir) o hyd. Hi yw afon fwyaf Prydain o ran llif y dŵr, 170 m³ yr eiliad. Mae'n tarddu yn Ucheldiroedd yr Alban ac yn llifo trwy Strathtay a thrwy ganol dinas Perth i gyrraedd y môr ym Moryd Tay ar arfordir dwyreiniol yr Alban, i'r de o ddinas Dundee.

Ceir tarddle'r afon tua 20 milltir o Oban ar arfordir golllewinol yr Alban, dan yr enw afon Connonish, ac yn nes ymlaen yn afon Fillan. Newidia'r enw eto i afon Dochart cyn iddi lifo i mewn i Loch Tay yn Killin. Dim ond wrth iddi adael Loch Tay y gelwir hi yn afon Tay. Mae'r afon yn enwog am ei physgota eog.

Dalgylch afon Tay.