Afon Oder

Oddi ar Wicipedia
Neidio i: llywio, chwilio
Cwrs afon Oder

Afon yng nghanolbarth Ewrop yw afon Oder (Tsieceg a Pwyleg: Odra). Mae'n 854.3 km o hyd, ac yn llifo trwy rannau o'r Weriniaeth Tsiec, Gwlad Pwyl a'r Almaen i gyrraedd y Môr Baltig.

Ceir tarddiad yr afon yn y Sudeten, i'r dwyrain o ddinas Olomouc yn rhanbarth Morafia o'r Weriniaeth Tsiec. Mae'n llifo heibio dinas Ostrava i Wlad Pwyl, lle mae'n llifo trwy Silesia. Wedi i afon Neisse (Pwyleg: Nysa) ynuno a hi, mae'r afon yn ffurfio'r ffîn rhwng Gwlad Pwyl a'r Almaen am 162 km. Am y 59 km olaf o'i chwrs, mae'r Oder yn dychwelyd i fod o fewn Gwlad Pwyl. Gerllaw dinas Szczecin mae'n llifo i mewn i'r Oderhaf, sy'n arwain i'r môr.

Mae Szczecin, ar lan chwith yr Oderhaf, yn borthladd pwysig. Mae Wrocław hefyd yn borthladd o bwys. Dinasoedd pwysig eraill ar hyd yr Oder yw Ostrava (Gweriniaeth Tsiec), Opole a Racibórz (Gwlad Pwyl) a Frankfurt an der Oder (yr Almaen). Y fwyaf o'r afonydd sy'n llifo i'r Oder yw afon Warta.

Afon Oder yn Szczecin.