Afon Logone
Oddi ar Wicipedia
Afon yng nghanolbarth Affrica sy'n un o brif lednentydd Afon Chari yw Afon Logone. Mae tarddleoedd Afon Logone yn gorwedd yng ngorllewin Gweriniaeth Canolbarth Affrica, gogledd Camerŵn, a de Tchad. Mae nifer o gorsydd a gwlybdiroedd o gwmpas yr afon.
Mae dinasoedd a threfi ar ei glannau yn cynnwys Moundou, dinas ail-fwyaf Tchad, a Kousseri, dinas fwyaf gogleddol Camerŵn. Gorwedd N'Djamena, prifddinas Tchad ar gymer Afon Logone yn Afon Chari.
