Afon Inn

Oddi ar Wicipedia
Neidio i: llywio, chwilio
Afon Inn ger Kufstein

Afon yn nghanolbarth Ewrop yw afon Inn (Lladin: Aenus, Groeg: Ainos, Reto-Romaneg: En). Mae'n 517 km o hyd, ac yn llifo trwy'r Swistir, Awstria a'r Almaen cyn llifo i mewn i afon Donaw.

Ceir tarddiad yr Inn 2645 medr uwch lefel y môr ym Mwlch Maloja yng nghanton Graubünden yn y Swistir. Mae'n llfo trwy'r Tirol yn Awstria, lle mae'n rhoi ei henw i brifddinas y dalaith, Innsbruck. Ger Kufstein mae'n gadael Awstria ac yn llifo i dalaith Bafaria yn yr Almaen. Yr afon yw'r ffîn rhwng yr Almaen ac Awstria yn yr ardal yma, Mae'n uno ag afon Donaw yn Passau.

Dinasoedd a threfi ar afon Inn[golygu]

Afon Inn