Aeronwy Thomas

Oddi ar Wicipedia
Neidio i: llywio, chwilio
Aeronwy Thomas yn Torino, yr Eidal, 2006

Ail blentyn ac unig ferch Dylan Thomas a'i wraig Caitlin MacNamara oedd Aeronwy Bryn Thomas-Ellis (3 Mawrth 194327 Gorffennaf 2009). Sefydlwyd y mudiad celf a llenyddiaeth rhyngwladol IMMAGINE&POESIA dan ei nawdd yn 2007.

Bywgraffiad[golygu]

Ganed Thomas yn Llundain, lle trigai ei rhieni. Fe'i henwyd ar ôl yr Afon Aeron. Ym 1949, symudodd y teulu i'r Boathouse, Talacharn, Sir Gaerfyrddin. Hi oedd y plentyn canol allan o dri. Roedd ganddi ddau frawd Llewellyn a Colm.

Pan yn 10 oed, cofrestrodd ei mam Aeronwy Thomas yn Ysgol Addysgiadol y Celfyddydau yn Tring, Swydd Hertford. Yn dilyn marwolaeth ei thad ym 1953, symudodd hi a'i mam i Sicily, ac yn ddiweddarach i Rhufain ar ôl i'w mam ail-briodi ym 1957. Derbyniodd Thomas radd anrhydedd BA yn Saesneg a Chrefydd Cymharol o Goleg Isleworth, a diploma TEFL o Goleg Addysg i Oedolion Woking. Yn 2003 derbyniodd Gymrodoriaeth Anrhydeddus wrth Brifysgol Abertawe.

Homage to Aeronwy Thomas, by Davide Binello, yr Eidal

Gyrfa[golygu]

Ar ôl iddi ddysgu Eidaleg, bu'n gweithio fel cyfieithydd barddoniaeth Eidalaidd. Roedd hi hefyd yn lysgennad dros waith ei thad, ac yn noddwr o Gymdeithas Dylan Thomas. Roedd hefyd yn Lywydd i'r Gynghrair i Gymdeithasau Llenyddol.

Bywyd personol[golygu]

Roedd ganddi hi a'i gŵr Trefor Ellis ddau o blant: mab, Huw, a merch, Hannah. Mae Hannah Ellis yn cynllun y dathliad canmlwyddiant Dylan Thomas.[1]

Marwolaeth[golygu]

Bu farw Aeronwy Thomas yn 66 oed o gancr ar y 27 Gorffennaf, 2009 yn Llundain. Bwriedir cynnal ei hangladd yn ne-orllewin Llundain ar y 6 Awst, 2009 a bydd ei lludw'n cael ei wasgaru yn y Boathouse yn Nhalacharn.[2]

Llyfryddiaeth[golygu]

  • Later than Laugharne (Celtion, 1976)
  • Christmas and Other Memories (Amwy Press)
  • Poems and Memories (Pedrini, Turin)
  • Christmas in the Boathouse (2003)
  • Rooks and Poems (Poetry Monthly Press, 2004)
  • I Colori Delle Parole (Rotaract, 2007) (gyda Gianpiero Actis)
  • My Father's Places (Constable, 2009)

Cyfeiriadau[golygu]

  1. Wales Online 14 Ionawr 2012 (Saesneg)
  2. Funeral of Dylan Thomas's daughter Aeronwy Ellis South Wales Evening Post. 04-08-2009. Adalwyd ar 04-08-2009