Adrie Visser

Adrie Visser
Gwybodaeth bersonol
Enw llawn	Adriana Visser
Dyddiad geni	19 Hydref 1983 (40 oed)
Manylion timau
Disgyblaeth	Trac & Ffordd
Rôl	Reidiwr
Math seiclwr	Sbrint
Tîm(au) Proffesiynol
2004; 2005-2006; 2007	Farm Frites-Hartol; AA Cycling Team; Team DSB Bank
Prif gampau
	Pencampwr yr Iseldiroedd
	Golygwyd ddiwethaf ar; 2 Hydref, 2007

Seiclwraig ffordd proffesiynol Iseldiraidd ydy Adrie Visser (ganwyd 19 Hydref 1983, Hoorn. Yr Iseldiroedd). Mae Visser yn byw yn Wieringerwerf erbyn hyn.

Dechreuodd ei gyrfa proffesiynol yn 2001, gorffenodd yn ail ym Mhencampwriaethau Cenedlaethol Ras Ffordd yr Iseldiroedd, daeth yn bmed ym mhencampwriaethau'r Treial Amser. Enillodd ei theitlau cyntaf ar y trac yr un flwyddyn, gan ddod yn Bencampwriaeg Cenedlaethol Treial Amser 500 m a Sbrint, cymerodd y fedal arian yn y ras bwyntiau. Ym Mhencampwriaethau'r Byd yn Trexlertown, Pennsylvania, Yr Unol Daleithiau, daeth yn seithfed yn y teial amser 500 m ac wythfed yn y pursuit a'r sbrint.

Enillodd y fedal efydd ym Mhencampwriaethau Trac y Byd yn Stuttgart yn 2003. Enillodd Bencampwriaethau Cenedlaethol Ras Bwyntiau, Scratch a Pursuit hefyd. Enillodd ei chystadleuaeth cyntaf yn rasus Cwpan y Byd Trac yn Sydney, gan ennill y ras scratch, daeth yn 10fed yn yr un ras ym Mhencampwriaethau'r Byd yn Melbourne wythnos yn ddiweddarach. Ei champwaith cyntaf ar y ffordd pan enillodd y grys las ar gyfer sbrintiau a enillodd yn ras y Eumakumeen Bira yn Mehefin 2004. Mis yn ddiweddarach enillodd ei ras ffordd cyntaf yn Alblasserdam.

Yn ôl ar y trac yn ddiweddarach yn 2004, enillodd dri teitl cenedlaethol ar y trac unwaith eto (pwyntiau, pursuit a scratch). Cynyrchiolodd Yr Iseldiroedd yn ras bwyntiau Gemau Olympaidd 2004, gan ddarfod yn yr 11fed safle.

Ym Mhencampwriaethau'r Byd ym Manceinion yn 2005, gorffennodd tu allan i'r medalau yn y bedwerydd safle yn y ras scratch, pumed yn y ras bwyntiau a seithfed yn y pursuit. Enillodd rasus ffordd Omloop Middag-Humsterland, Profronde van Stiphout a ras yn Dalen yn Mehefin 2005. Oherwydd hyn, dewiswyd hi i gynyrchiolo ei gwlad ym Mhencampwriaetha Ras Ffordd y Byd am y tro cyntaf, a gorffennodd yn 84ydd safle yn y ras a gynhaliwyd yn Madrid. Enillodd ei ail ras yng Nghwpan y Byd Trac ym Manceinion, gan enill y ras scratch unwaith eto cyn mynd ymlaen i amddiffyn ei thair teitl cenedlaethol.

Dechreuodd 2006 yn dda wrth i Visser enill ras Egmond-Pier-Egmond ym mis Ionawr. Enillodd ras ffordd Oud Vossemeer ym mis Mawrth. Gorffennodd yn 7fed ym Mhencampwriaethau Ras Ffordd y Byd, a 9fed yn y Treial Amser. Rhwng 15 Gorffennaf a 1 Awst enillodd bedwar ras ffordd yn (Ochten, Barendrecht, Alblasserdam a Surhuisterveen). Dewisodd hyfforddwr y tîm cenedlaethol, Egon van Kessel, Visserr i gynyrchioli ei gwlad unwaith eto ym Mhencampwriaethau Ras y Ffordd y Byd yn dilyn y canlyniadau da yma.

Ar y 31 Mawrth 2007, cymerodd Visser y fedal efydd yn ras scratch race ym Mhencampwriaethau Trac y Byd yn Palma de Mallorca. Pythefnos yn ddiweddarch enillodd ras Gwpan y Byd Ffordd gan groesi'r linell gyntaf yn y Ronde van Drenthe.