Adduned Blwyddyn Newydd

Oddi ar Wicipedia
Neidio i: llywio, chwilio

Addewid neu fwriad a wneir gan berson ar ddechrau blwyddyn newydd ydy Adduned Blwyddyn Newydd. Gan amlaf, mae'r adduned yn ymwneud â gosod nod neu darged personol i'ch hunan neu waredu rhyw arfer ddrwg o'ch bywyd. Nodwedd ganolog o adduned blwyddyn newydd sy'n ei wneud yn wahanol i addunedau neu addewidion eraill yw ei fod yn cael ei wneud cyn y Flwyddyn Newydd ac mae'n dynodi dechreuad newydd. Mae'r bobl sy'n rhoi adduned i'w hunain yn bwriadu cadw at yr adduned am y flwydddyn ganlynol. Ystyrir y newid a ddaw yn sgil yr adduned o fantais ac yn gwneud lles i'w ffordd o fyw.

Addunedau poblogaidd[golygu]

Cardiau post am addunedau ar ddechrau'r 20fed ganrif

Ymhlith yr addunedau mwyaf poblogaidd a wneir mae cyfrannu mwy at achosion da, i fod yn fwy blaengar neu i wneud mwy i edrych ar ôl yr amgylchedd.

Mae'r canlynol yn addunedau poblogaidd hefyd:[1][2]

  • Gwella iechyd: colli pwysau, gwneud mwy o ymarfer corff, bwyta'n iach, yfed llai o alcohol, stopio ysmygu, peidio cnoi ewinedd
  • Gwella sefyllfa ariannol; dileu dyled, cynilo mwy
  • Datblygu gyrfa: cael gwell swydd
  • Gwella addysg: cael canlyniadau gwell, dysgu rhywbeth newydd (megis iaith dramor neu gerddoriaeth), astudio'n amlach
  • Gwella hunan: i fod yn fwy trefnus, delio'n well â straen, rheoli amser, bod yn fwy annibynnol, gwylio llai o deledu, chwarae llai o gemau fideo
  • Teithio mwy
  • Gwirfoddoli i helpu eraill, rhoi i achosion da
  • Meithrin gwell perthynas gydag eraill
  • Lleihau yfed alcohol
  • Ehangu cylch ffrindiau
  • Arbrofi mwy gyda bwydydd o dramor

Cyfeiriadau[golygu]